نووسینگەی وەزیر

Submitted by admin on سش, 22/11/2016 - 04:55

یەکەم/ نوسینگەى وەزیر

یەکێکە لەو بەڕێوەبەرایەتیانەى کە گوزارشت لە کارو چالاکییە ڕەسمییەکانى وەزیر دەکات، هەروەک ئەرک و کارى وەزارەتى خوێندنى باڵاو توێژینەوەى زانستى لەڕوانگەى سیاسەت و بەرنامەى وەزارەتەوە دەخاتەڕو.

ئەرک و کارەکانى بەڕێوەبەرایەتى نوسینگەى وەزیر بریتین لە:

  1. ڕێکخستنى سەرجەم کاروبارەکانى وەزیر.
  2. دیاریکردنى کاتەکانى دیدار و چاوپێکەوتنى وەزیر لەگەڵ وەفدە رەسمى و ناڕەسمییەکان.
  3. وەرگرتن و کارکردن لەسەر ئەو نوسراو و فرمانە رەسمییەکانى ئاڕاستەى نوسینگەى وەزیر دەکرێت، هەروەک بەدواداچون بۆ جێبەجێ کردنی سەرجەم نوسراوەکان دەکات.
  4. دەرکردن و ئاڕاستەکردنى نوسراوى رەسمى بۆ فەرمانگەو دامەزراوەکانى پەیوەند بە بابەتە پەیوەندارەکان.
  5. ئاڕاستەکردن و گەیاندنى پەیامى وەزیر بە دەزگاو دامەزراوەکانى پەیوەست بە وەزارەت.

پێکهاتەى بەڕێوەبەرایەتى نوسینگەى وەزیر:

  • بەڕێوەبەرى نوسینگە: بەڕێوەبەرى ئەم بەڕێوەبەرایەتیە سەرپەرشتى تەواوى کاروچالاکیەکان دەکات.
  • سکرتاریەتى وەزیر: ئەرکەکانى ڕاستەوخۆ پەیوەستە بەوەزیرى خوێندنى باڵاو توێژینەوەى زانستى، هەروەک فەرمان و ڕێنماییەکانى پەیوەست بە کارى وەزیر جێبەجێ دەکات.
  • خامەى نهێنى: ئەرکەکانى پەیوەستە بە (دەرکردەو وەرگرتە)ى سەرجەم ئەو نوسراو و فەرمانانەى ئاڕاستەى وەزارەت دەکرێن و بەپێچەوانەشەوە جێبەجێ دەکات، هاوکات چاودێری و بەدواداچون بۆ نوسراو فەرمانەکان دەکات.

بەڕێوەبەرى نوسینگە: م. ئامانج ڕەفیق عبدالرحمان

ئیمەیل: amanj.abdulrahman@mhe-krg.org

 

دوەم/ بەڕێوەبەرایەتى ڕاگەیاندن

ڕاگەیاندن یەكێكە لە ڕوخسارە دیارەكانی هەر دەزگاو دامەزراوەیەكی گرنگی حكومڕانی، بۆیە ئەم بەڕێوەبەرایەتیە هەوڵدەدات ببێتە سەرچاوەیەكی باوەڕپێكراو و، بەردەوامی زانیاری بۆ توێژەران و مامۆستایان و خوێندكاران و میدیاكاران و بەكارهێنەرانی تر. بەڕێوەبەرایەتی ڕاگەیاندن زانیاری بەشێوەیەكی بەردەوام بڵاودەكاتەوە و، یارمەتی رۆژنامەنوس و میدیاکاران دەدات بۆ پێدانی زانیاری زیاتر، هەروەک ڕێبەری ڕۆژنامەنوس و میدیاکار دەكات بۆ سەرچاوەكانی تری زانیاری.

ئەو كارانەش كە بەڕێوەبەرایەتی ڕاگەیاندن لە وەزارەتەكەمان ئەنجامی دەدات لە پێناو چەسپاندنی پرنسیپی شەفافیەت و، پێشكەشكردنی زانیاری دروستە بەمامۆستایان و خوێندكاران و فەرمانبەران و بەهاوڵاتیان، هەروەك ئاگاداربونی لایەنە پەیوەندیدارەكان و هاوڵاتیان لە كاروچالاكی و پڕۆژەو هەوڵەكانی حكومەت لە سێكتەرە جیاكانی خوێندنی باڵا، لە هەمان كاتدا بۆ دروستكردنی پەیوەندییەكی دروستە لەگەڵ دامەزراوەكانی ڕاگەیاندن لە چوارچێوەی یاسای ڕۆژنامەگەری و یاسای مافی بەدەستهێنانی زانیاری لە هەرێمی كوردستان كە لە پاڕلەمانی كوردستان پەسند كراوە.

ئەركەكانى بەڕێوەبەرایەتى ڕاگەیاندن

ا. سەرپەرشتی ئەركی ڕاگەیاندن

  1. سەرپەرشتی كاروباری ڕاگەیاندن و كاروچالاكیەكانی بەڕێوەبەرایەتیەكانی وەزارەت.
  2. داڕشتنی پلان و نەخشەو ستراتیژی سیاسەتی ئیعلامی وەزارەت.
  3. سەرپەرشتیكردن و كۆكردنەوەی زانیاری لە بارەی ئەركەكان، بڕیارەكان، پڕۆژەكان (ئەو پڕۆژانەی بڕیارە جێبەجێبكرێن و ئەوانەی لە قۆناغی جێبەجێكردندان)، سەرجەم ئەو دامەزراوانەی سەر بە وەزارەتن، چۆنێتی ڕایكردنی مامەڵەی هاوڵاتیان، پلانی وەزارەت بۆ بوارە جیاكان..هتد، ئەوەش ئاسانكارییەكی زۆر دەكات بۆ ئەو خوێندكارو توێژەرانەی كە لە ئاستە جیاكانی خوێندن پێویستیان بەو داتاو ئامارانە دەبێ‌، یاخود ئەو كەناڵ و دەزگاو دامەزراوانەی كە ئەخوازن ڕاپۆرت لە بوارە جیاكاندا ئامادە بكەن و زانیاری دروست بگەێننە خوێنەران، بیسەران و بینەران.
  4. ڕێكخستنی دیداری ڕۆژنامەوانی بۆ جەنابی وەزیر
  5. ڕۆژانە هەواڵ و ڕاپۆرت لەبارەی كارو چالاكی وەزیر و دامەزراوەكانی وەزارەت ئامادە دەكات و بڵاوی دەكاتەوە و, وێنەیەكیش لە بڵاوكراوەكانی ڕەوانەی  سەرجەم دەزگاو دامەزراوەكانی ڕاگەیاندن دەكات.
  6. ئامادەبون لە كۆبونەوەكانی وەزارەت و سەردان و بەسەركردنەوەكانی وەزیر و نوێنەری وەزیر و  لێژنەكانی وەزارەت بۆ بۆنەو شوێنە پێویستەكان.
  7. نوسین و ئامادەكردنی ڕاگەیندراو و، ڕونكردنەوەى وەزارەت لەبارەی هەر هەواڵ و ڕاپۆرتێكی نا بابەتیانە كە لە دەزگاو دامەزراوەكانی ڕاگەیاندن لەبارەی وەزارەتەكەمان بڵاودەكرێنەوە.
  8. ڕێكخستنی كۆنگرەی ڕۆژنامەوانی بۆ جەنابى وەزیر و بەڕێوبەرە گشتیەكانی بۆ دەزگاو دامەزراوەكان.
  9. گرتنی وێنە و ڤیدیۆی چالاكیەكانی وەزیر و وەزارەت.
  10. دۆكیۆمێنتكردنی سەرجەم كاروچالاكیەكانی وەزارەت و كاری دەزگاو دامەزراوەكانی ڕاگەیاندن كە لەبارەی وەزارەت بڵاوی دەكەنەوە.
  11. ئەرشیفكردنی وێنە و ڤیدیۆ بە سیستمێكی باش  و, پۆلێنكردنیان لەسەر بنەمای ڕێكەوتی بۆنەی وێنەكەو كەسایەتی میوان و سەردانەکان.
  12. ڕۆژانە چاودێری دەزگاو دامەزراوەكانی ڕاگەیاندن (بیستراو, بینراو, خوێنراو و وێبە سایتەكان) دەكات تا بزانین چی لەسەر وەزارت دەوترێت. 

ب. سەرپەرشتی وێبسایتی وەزارەت

  1. وەرگێرانی نوسین و ئاخاوتن و، هەر چالاكیەكی جۆراو جۆر و نوسینەكان و ڕێنماییەكانی وەزارەت بۆ سەر زمانەكانی (عەرەبی، ئینگلیزی).
  2. هەڵسەنگاندنی بابەتە رۆژنامەوانیەكان.
  3. نوسینی هەواڵ و ڕاپۆرت كە زیاتر لەسەرچاوەیەكەوە دێن.
  4. باشكردنی بابەتە ڕۆژنامەوانیەكان لە ڕێگەی داڕشتن و ڕێكخستنەوەیان بۆ ئەوەی زمانێكی هاوبەش لە نێوان هەواڵەكان، كە لەسەرچاوەی جیاوە ئامادە دەكرێن پەیڕەو بكرێت.
  5. بەدواداچون بۆ ئەو كەموكوڕیانە دەکات، كە لە زانیارییەكانی هەواڵێكدا هەیە.
  6. ڕاستكردنەوەی هەڵەی زانیارییەكان لە ڕوی یاسایی و زمانەوانی و داڕشتنەوە.
  7. ڕەچاوكردنی وردێتی لە زانیارییەكان كە لەسەرچاوەكانەوە دێن، یاخود كۆیان دەكاتەوە.
  8. دوركەوتنەوە لەو هەواڵانەی كە كێشەی قانونیان هەیە.
  9. پاراستنی پێگەی وێبسایتى وەزارەت و، چاودێریكردن لە جێبەجێكردنی سیاسەتەكانی وەزارەت لە نوسین و بڵاوكردنەوە.
  10. بایەخدان بەمانێشتی هەواڵ و ڕاپۆرتەكان.
  11. هەڵبژاردنی وێنەی باش و دروست بۆ بابەتە ڕۆژنامەوانیەكان، بەشێوەیەك وێنەكان ڕەنگدانەوەی هەواڵەكان بێت.
  12. دروستكردنی هەماهەنگی لە نێوان بەشی ئینگلیزی و عەرەبی وێبسایت.
  13. دروستكردنی هەماهەنگی لە نێوان بەڕێوەبەرایەتیەكانی وەزارەت و وێبسایت بەئامانجی زو گەیشتن و بڵاوكردنەوەی هەواڵەكان لە كاتی خۆیاندا.

په‌یكه‌ری كارگێڕی به‌ڕێوه‌به‌رایه‌تی ڕاگه‌یاندن

له‌ ڕوی كارگێڕییه‌وه‌ به‌ڕێوه‌به‌رایه‌تی ڕاگه‌یاندن ڕاسته‌وخۆ په‌یوه‌سته‌ به‌ (نوسینگه‌ی وه‌زیر) و، له‌ دوو هۆبه‌ پێكهاتوه‌ (هۆبه‌ی ڕاگه‌یاندن، هۆبه‌ی وێبسایت).

بەڕێوەبەرى بەڕێوەبەرایەتى ڕاگەیاندن: هێمن ئەمین شوانى

ئیمەیل: hemin.jalal@mhe-krg.org

 

سێیەم/بەڕێوەبەرایەتى کاروبارى یاسایى و گرێبەستەکان

بە پێى یاساى وەزارەتى خوێندنى باڵاو توێژینەوەى زانستى ئەم بەڕێوەبەرایەتیە ڕاستەوخۆ سەر بە نوسینگەى جەناى وەزیری خوێندنی باڵا-یە. ئەم بەڕێوەبەرایەتیە لە ڕێگەى (٤) هۆبەوە کاروبارە یاسایى و گرێبەستەکانى دیوانی وەزارەت جێبەجێ دەکات و، هەروەک بەدواداچون بۆ گشت کێشە یاساییەکان دەکات.

پەیکەرى کارگێڕى بەڕێوەبەرایەتى کاروبارى یاسایى و گرێبەستەکان

  1. هۆبەی لێکۆڵینەوەو داواکان : ئەم هۆبەیە لێکۆڵینەوەو بەدواداچون بۆ ئەو داوایانە دەکات، کە لەسەر خودی وەزارەت لە داداگاکان تۆماردەکرێ، لەهەمان کاتدا لێکۆڵینەوە لەو کێشانە دەکات، کە دەگەنە بەڕێوەبەرایەتى یاسایى.
  2. هۆبەی ڕاوێژکاری و بەداوادچونى ڕینماییەکان: ڕاوێژى ئەو کارانە دەکات، کە ئاراستەی دەکرێ، هەروەک ڕێگە چارەى گونجاو و یاسایى دەدۆزێتەوە بۆ جێبەجێ کردنى کارەکان  بە پێى یاسا و ڕێنماییەکان، لەهەمان کاتدا نوسراو بۆ گشت زانکۆ و ئەو فەرمانگانە دەکات، کە پێویستیان بەنوسراو و وەڵامدانەوە هەیه.
  3. هۆبەی ڕاستاندن و کەفالە و بەڵێننامە: فەرمانگەى دادنووسى بە پێى یاسا ڕێگەو دەسەڵاتى داوە بە بەڕێوەبەرى یاسایى لە گشت وەزارەتەکان تا کارەکانى فەرمانبەرانى سنورى وەزارەتەکەى ڕایى بکەن، هەروەها ڕاستاندن بۆ گشت بەڵگەکانى یاسایى بکەن، ئەم هۆبەیەش بەپێى ئەو یاساییە سەرجەم ئەو کارانە دەکات.
  4. هۆبەى گرێبەستەکان: سەرجەم کاروبارەکانى گرێبەست کە وەزارەت لەگەڵ لایەنە پەیوەندارەکان بۆ بوارە جیاکان ئیمزاى دەکات، لەلایەن ئەم هۆبەیەوە ئامادە دەکرێ و هەڵسەنگاندن و بەدواداچونیان بۆ دەکرێ.

بەڕێوەبەرى کاروبارى یاسایى و گرێبەست: ئەنوەر عبداللە محمد

ئیمەیل: anwarbarzinje@gmil.com

 

چوارەم/بەڕێوەبەرایەتى چاودێرى دارایى

بەڕێوەبەرایەتى چاودێرى دارایى دیوانی وەزارەتی خوێندنی باڵا و توێژینەوەی زانستی ئیش و کارەکانى پێکهاتوە لە سەردانیکردنى گشت زانکۆ و پەیمانگە حکومیەکان و گشت نوسینگە ڕاوێژکارییەکان و سێنتەرەکانى ئەو زانکۆ و پەیمانگەیانەی سەر بەوەزارەتەکەمان، لەگەڵ گشت زانکۆ و پەیمانگە تایبەتەکان بۆ وردبینکردنى سەرجەم کاروبارەکانى دارایى و کارگێرى، لەهەمان کاتدا ڕاپۆرت لە سەر زانکۆکانى سەر بە وەزارەتەکەمان ئامادە دەکات بۆ ڕێکخستنەوەى ئیش و کارەکانیان و، ڕەچاوکردنى ڕێنماییەکان و ئاگادارکردنەوەیان بە پێى ڕێنماییە کارپێکراوەکان، هەروەک تۆمارەکانى ژمێریارى بە پێى ڕێنمایی کارى لەسەر دەکرێت.

بەڕێوەبەرى کاروبارى چاودێرى دارایى: چنار مەهدى

ئیمەیل: chnar.mahdi@gmail.com

 

پێنجەم/ وتەبێژى وەزارەت

 ئەو كەسەیە كە گوزارشت لە سیاسەتی وەزارەت دەكات و، ڕای وەزارەت بۆ میدیاكاران و هاوڵاتیان دەخاتەڕو.

ئەركەکانى وتەبێژ

  1. پێدان و گەیاندنی سیاسەتی وەزارەت و، قسەكردن لەسەر سیاسەت و كارنامەو بڕیار و ڕێنماییەكانی وەزارەت و، لێدوان بۆ سەرجەم دەزگا و دامەزراوەكانی ڕاگەیاندنی (بینراو، بیستراو، خوێنراو، هاووڵاتیان)، هەروەك لە كاتی پێویستدا كۆنگرەی ڕۆژنامەیی بۆ پەیامنێران ساز دەكات.
  2. بەشداریكردن لە كۆبونەوەكانی وەزیر، ئەنجومەنی وەزارەت، كۆبونەوەكانی وەزارەت، ئامادەبون لە مەراسیمە ڕەسمیەكانی ناوەوە و دەرەوەی وەزارەت.
  3. بەشداریكردن لە بەرنامەكانی (بینرا، بیستراو)ی دەزگا و دامەزراوەكانی ڕاگەیاندن.
  4. كۆكردنەوەی زانیاری وورد و دروست لەسەر وەزارەت، زانكۆكان، فەرمانگەو بەڕێوەبەرایەتیەكانی ناو وەزارەت.
  5. بە دواداچون و وەڵام دانەوەی ئەو بابەتانەی پەیوەستن بە  وەزارەت.
  6. ئامادەبون لە كۆبونەوەی پاڕلەمان كاتێك بڕگەكانی كۆبونەوە پەیوەست بێت بە وەزارەت.
  7. ئامادەكاری بۆ وەڵامدانەوەی ئەو پرسیارانەی كە لەلایەن دەزگا و دامەزراوەكانی ڕاگەیاندن ئاڕاستەی وەزیر دەكرێت.
  8. نوسین و دارڕشتنی وتاری وەزارەت بۆ بۆنە جیاوازەكان.
  9. گەیاندنی سیاسەتی وەزارەت و، قسە لەسەر سیاسەت و كارنامەو بڕیار و ڕێنماییەكانی وەزارەت لە دەزگاو دامەزراوە جیاكانی ڕاگەیاندن دەكات.

وتەبێژى وەزارەت: عەباس ئەکرەم دزەیى

ئیمەیل: abbas.akram@mhe-krg.org

تەلەفون: ٩٦٤٧٥٠٤٨٢٦١١٨+

 

شەشەم/ ئەمینداریەتى ئەنجومەنى وەزارەت

لە یاساى وەزارەتى خوێندنى باڵا و توێژینەوەى زانستى ژمارە (١٠) ى ساڵى (٢٠٠٨) لە ماددەى (٥) لە بڕگەى (٢) بەم شێوەیە پێناسەى  ئەمینداریەتى ئەنجومەنى وەزارەت کراوە: "ئەنجومەنى وەزارەتى خوێندنى باڵا و توێژینەوەى زانستى ئەمیندارێکى دەبێت کە بڕوانامەى ماستەرى هەبێت، بەرپرس دەبێت لە تۆمارکردنى کۆنوسى دانیشتەکانى ئەنجومەنى وەزارەت، هەروەها دەرکردنى گشتاندنەکان) و، بەدواداچون و جێبەجێکردنیان". ئەنجومەنى وەزارەت: "بەرزترین دەزگاى وەزارەتە کە تیایدا سیاسەت و ستراتیژیەتى وەزارەتى خوێندنى باڵا و توێژینەوەى زانستى دادەڕێژێت".

 

کار و ئەرکەکانى ئەمینداریەتى ئەنجومەنى وەزارەت

  1. ڕێکخستنى کۆبونەوەکانى ئەنجومەنى وەزارەت و پەیوەندیکردن بە ئەندامانى ئەنجومەنى وەزارەت، کە لە سەرۆکى زانکۆکان و دەستە و ئەنجومەنەکانى سەر بەوەزارەتەکەمان و ڕاوێژکارانى جەنابى وەزیر و بەڕێوەبەرە گشتیەکانى دیوانى وەزارەت پێکدێ (یان هەر کەسێک کە سەرۆکى ئەنجومەن کە وەزیرى خوێندنى باڵا و توێژینەوەى زانستیە، بیەوێت بەشدارى پێ بکات و میواندارى بکات).
  2. ئامادەکردنى بەرنامەى کار (کارنامە/ ئەجێندا) بە خاڵ و بەراییەکانەوە بۆ کۆبونەوەى ئەنجومەنى وەزارەت.
  3. ئامادەکارى بۆ کۆبونەوەى ئەنجومەنى وەزارەت و خوێندنەوەى خاڵ و بڕگەکان و، نووسینەوەى بڕیارەکانى ئەنجومەن، هاوکات ڕێکخستنى هۆڵى کۆبونەوە و پێشکەشکردنى بەرنامەى کار بە داتاشۆ.
  4. ئامادەکردنى کۆنوسى کۆبونەوەکانى ئەنجومەنى وەزارەت، ئەوەش دواى ئەوەى لەلایەن سەرۆکى ئەنجومەن پەسند دەکرێن، دواتر ناردنى بۆ فەرمانگە گشتیەکانى ناو دیوانى وەزارەت و، دەستە و ئەنجومەن و زانکۆکان بۆ ئەنجامدانى کارى پێویست بە پێى پەیوەندییان.
  5. پاڵپشت بە بڕیارەکانى ئەنجومەنى وەزارەت فەرمان و گشتاندن و ڕێنمایى دەردەکات، هەروەک فەرمان و ڕاسپاردەکانى وەزیرى خوێندنى باڵا و توێژینەوەى زانستى دەگەێنێت بەلایەنى پەیوەندار و، بەدواداچون بۆ جێبەجێکردنیشیان دەکات.
  6. ئاگادارکردنەوەى وتەبێژ و بەڕێوەبەرایەتى ڕاگەیاندنى وەزارەت لە بڕیارەکانى ئەنجومەنى وەزارەت بۆ  بڵاوکردنەوەو ئاگادارکردنەوەى لایەنى پەیوەندیدار و ڕاى گشتى.
  7. کۆنوسى کۆبونەوەکانى ئەنجومەنى دەستە و بۆرد و زانکۆکان بەنووسراوى فەرمى لە ڕێگەى نووسینگەى جەنابى وەزیر بە هاوکارى ڕاوێژکارى جەنابى وەزیر بۆ کاروبارى خوێندنى باڵا پەسەند دەکات و، وەڵامیان دەداتەوە.
  8. گەیاندنى فەرمان و ڕاسپاردەکانى جەنابى وەزیر و، فەرمانگە گشتیەکانى دیوانى وەزارەت بە سەرۆکى ئەنجومەن و دەستە و زانکۆکان بە بۆ جێبەجێکردنیان و بەدواداچوون و ئاگاداربونیان.
  9. ئامادەبون و ئامادەکردنى کۆنوسى کۆبونەوەى هەفتانەى وەزارەت، کە لە ڕاوێژکارانى جەنابى وەزیر و، بەڕێوەبەرە گشتیەکان و یاریدەدەرانیان و هەندێک لە بەڕێوەبەرەکان پێکدێ، لەهەمان کاتدا بەدواداچون بۆ جێبەجێکردنى بریار و فەرمانەکان دەکات.
  10. ئامادەبون لە کۆبونەوەى جەنابى وەزیر لەگەڵ هاوڵاتیان.
  11. دەرکردنى فەرمانى وەزارى و گشتاندن و پێکهێنانى لێژنە لەسەر ڕاسپاردەى جەنابى وەزیر.
  12. هاریکارى ڕاوێژکارانى جەنابى وەزیر لە لیژنە باڵاکان و گەیاندنى ڕاسپاردەکانیان.
  13. ئامادەبون لە هەندێک کۆبونەوەکان کە لەلایەن جەنابى وەزیر سپاردە بکرێ.
  14. بەستەرى پەیوەندى نێوان جەنابى وەزیر و سەرۆکى زانکۆ و ئەنجومەن و دەستەکانە بۆ کۆبونەوە و ڕاسپاردەى تایبەت.
  15. نوسینى یاداشت و ڕاپۆرت و بابەتى تایبەت بۆ جەنابى وەزیر.

ئەمیندارى ئەنجومەنى وەزارەت: م. دەهام سمکۆ حوسێن

ئیمەیل: daham.hussein@mhe-krg.org

 

حەوتەم/بەڕێوەبەرایەتى دڵنیایى جۆرى کارگێڕى

ئەم بەڕێوەبەرایەتیە ڕاستەوخۆ پەیوەستە بە نوسینگەى جەنابى وەزیر و، ڕۆژانە کارەکانى لە بوارى کارگێڕى ڕادەپەڕێنێت، بەشێوەیەکى گشتى کارەکانى ئەو بەڕێوەبەرایەتیە بریتین لە:

  1. لە ئەستۆگرتنی بەشێك لە كاری (ڕانكینگی) ڕێزبەندی نیشتمانی بۆ زانكۆكانی کوردستان بەتایبەت ئەوەى پەیوەندی بە بواری كارگێری لە زانکۆکانەوە هەیە.
  2. سەردانكردنی ستافی بەڕێوەبەرایەتی دڵنیایی جۆری كارگێری بۆ زانكۆكان بۆ ڕونكردنەوەی ڕۆڵ و گرنگی دڵنیایی جۆری كارگێری سەبارەت بە بەڕێوەبردنی كارە سەرەكیەكانی كارگێری لەو زانكۆیانە.
  3. سەردانی زانكۆ وپەیمانگە تایبەتەکان بۆ پشكنین و، ئامادەكردنی ڕاپۆرتی تایبەت لە سەر كەموکوڕییە کارگێڕییەکانى زانكۆکان.
  4. دانانی ستراتیژێک بۆ چۆنیەتى سود وەرگرتنى زانكۆ نوێیەكان لە دەرچوانی بەرنامەى تواناسازی، ئەوەش بە دوبارە دابەشكردنەوەیان لە ڕێگەی لێژنەیەكی باڵا لە دیوانی وەزارەت.
  5. هەوڵدان بۆ كارپێكردن و  بەڕێوەبردنی سیستمی جۆری گشتی (إدارە الجودة الشاملة)، كە ئەوەش دەبێتە هۆی زیادكردنی كار و چالاكی وەزارەت و، زیاتر خزمەتكردنی هاوڵاتیان.
  6. بۆ ئەنجامدانی خاڵی پێنجەم هەوڵ دراوە سیستەمی (ISO) بەكار بهێنرێت كە بنەمایەكە بۆ كارپێكردن بە سیستمی بەڕێوەبردنی جۆری گشتی.

بەڕێوەبەرى دڵنیایى جۆرى کارگێڕى: میدیا هۆشیار

ئیمەیل: media.hoshiar@mhe-krg.org

 

هەشتەم/بەڕێوەبەرایەتى وردبینى

بەڕێوەبەرایەتی وردبینی یەكێكە لە بەرێوەبەرایەتیەكانی وەزارەت و، سەر بە نووسینگەی بجەنابی وەزیرە, ئەرکى ئەم بەڕێوەبەرایەتیە پێداچونەوە و وردبینیكردنی گشت كاروبار و مامەڵە و دۆكیۆمێنتە دارایی و ژمێریارەكان وەك:

  1. پێداچونەوە و وردبینكردنی گشت خەرجیەكانی دیوانی وەزارەت،  وەك  ( كڕین و چاكردنەوە و سوتەمەنی) و، پێشینەی نووسینگەی بەرێز جەنابی وەزیر و، پێشینەی بەردەوام لە دیوانی وەزارەت.
  2. وردبینكردنی لیستی موچەی مانگانە و، تۆماری موچەی مانگانەی فەرمانبەرانی وەزارەت .
  3. وردبینكردنی سەرموچە و پلە بەرزكردنەوەی فەرمانبەرانی دیوانی وەزارەت.
  4. وردبنیكردنی پلە بەرزکردنەوەی مامۆستایان و فەرمانبەرانی گشت دامەزراوەكانی سەر بەوەزارەت لە پلە(4) بۆ سەرەوە .
  5. وردبینكردنی گشت كاروبارە ژمێریارییەكانی تایبەت بە پڕۆژەكان  و ،خەرجیەكانی ناو دیوان و، پێوانەی كۆتایی گشت پرۆژەكانی زانكۆكانی هەرێم .
  6. وردبینكردنی لیست و تۆماری خەرجیەكانی خوێندکارانى تواناسازی.
  7. وردبینكردنی تەرازوی پێداچوونەوەی مانگانەی دیوانی وەزارەت  بۆ (10) حیسابی بانكی لەگەڵ وردبینكردنی تۆماری گشتی ڕۆژانە بۆ حیسابەكانی سەرەوە .
  8. وردبینكردنی بەڵگەنامەی ڕێگەپێدان و قەید و خەرجی.
  9. بەشداریكردنی فەرمانبەرانی بەرێوەبەرایتی وردبین لە لێژنە تایبەتیەكان وەك (لێژنەی ئامادەكردنی بودجە، لێژنەی پلەبەرزكردنەوە، لێژنەی ڕێنمایی دارایی ژمارە (11)و (38)ى تایبەت بە خەرجی خوێندکارانى دەرەوەی ووڵات، لێژنەی ڕێنمایی دارایی ژمارە (32) تایبەت بە جیاوازی موچەی فەرمانبەران  و لێژنەی داهاتی زانكۆ تایبەتەكان) .

بەڕێوەبەرى کاروبارى وردبینى: چریسکە جلال بلال

ئیمەیل: jihangeer.sdiq@gmail.com

 

نۆیەم/نوسینگەى کەرکوک

ئه‌م نوسینگه‌یه‌ به‌ پێشنیاز و به‌ پاڵپشتی د.یوسف گۆران  وه‌زیری خوێندنی باڵاو توێژینەوەى زانستى حکومەتى هه‌رێمى کوردستان له‌ ڕێکەوتى ( 2016/2/4 ) له‌لایه‌ن جه‌نابی و وه‌زیر و، د.نەجم الدین کەریم پارێزگاری كركوك بەڕەسمى كرایه‌وه‌ .

ئامانجی سه‌ره‌كی کردنەوەى ئەو نوسینگه‌یه‌ بریتیە لە بایەخدان بە‌ بواری خوێندنی باڵا و گرنگیدان بە خوێندكارانى كركوك و ناوچه‌ دابڕاوه‌كانی، به‌تایبه‌ت ئەو خوێندكارانەى کە بەسەر بە په‌روه‌رده‌ی كوردین، چونکە تا كردنه‌وه‌ی نوسینگه‌ی كەركوك كارێكی وا نه‌كرابو تا په‌روه‌رده‌ی كوردی له‌لایه‌ن خوێندی باڵا‌ به‌رده‌وامی پێبدرێت.

بۆیە لە ڕێگەى ئەم نوسینگەیەوە، وەزارەتى خوێندنى باڵاو توێژینەوەى زانستى وه‌ك به‌شێك له‌ دانیشتوانی هه‌رێم مامەڵە لەگەڵ خوێندکارانى کەرکوک بەگشتى و، خوێندکارانى پەروەردەى کوردى بەتایبەت دەکات، لەو چوارچێوەیەشدا كارئاسانی تەواو بۆ خوێندکاران دەکات بۆ ئه‌وه‌ی له‌ زانكۆكانی هه‌رێم وه‌ربگیرێن، هەروەک ئەرکێکى دیکەى ئەم نوسینگەیە بریتیە لە پردى  په‌یوه‌ندی نێوان وه‌زاره‌تی خوێندنی باڵا- و زانكۆكانی هه‌رێم له‌گه‌ڵ  په‌روه‌ردی كوردی و، دەزگاو دامەزراوەکانى خوێندنی باڵا-و  لایه‌نه‌ په‌یوه‌دندیداره‌كانی كركوك و ناوچه‌كه‌ .

بەڕێوەبەرى نوسینگەى کەرکوک: د.ئەحمەد ئەمین فەتحوڵلا

ئیمەیل: ahmadaminfathulla@gmail.com